ECI Fact Check

❌ 08-11- 2025 ൽ മീഡിയ വൺ ചാനലിലെ ഒരു പ്രതികരണം ശ്രദ്ധയിൽപ്പെട്ടു. ഇലക്ഷൻ കമ്മീഷന്റെ 27 .10 .2025 ലെ No.23/ 2025-ERS Vol .ll )പ്രകാരമുള്ള മാർഗ്ഗനിർദ്ദേശത്തിന്റെ അടിസ്ഥാനത്തിലാണ് കേരളമുൾപ്പെടെയുള്ള 12 സംസ്ഥാനങ്ങളിൽ എസ് ഐ ആർ നടപ്പിലാക്കുന്നത്. എസ് ഐ ആറിനായി യഥാർത്ഥ വോട്ടർപ്പട്ടികയല്ല ഉപയോഗിക്കുന്നതെന്ന ആരോപണം അടിസ്ഥാനരഹിതമാണ്. 2025 വരെ നിലവിലുണ്ടായിരുന്ന വോട്ടർപ്പട്ടികയിൽ നിന്നും അർഹരായ ആരും തന്നെ ഒഴിവാക്കപ്പെടുന്നില്ല. കൃത്യവും സൂക്ഷ്മവുമായ പരിശോധനയിലൂടെയാണ് എന്യൂമെറേഷൻ ഫോമുകളുടെ അച്ചടി പൂർത്തിയാക്കിയിരിക്കുന്നത്. പേര് പട്ടികയിലില്ലെങ്കിൽ അവ പുതുതായി ചേർക്കാൻ സാധിക്കും. 2025 ഡിസംബർ 4 വരെ ഫോമുകൾ സമർപ്പിക്കാവുന്നതാണ്. ഡിസംബർ 9 നാണ് കരട് പട്ടിക പ്രസിദ്ധീകരിക്കുന്നത്. അതിനു ശേഷം ആക്ഷേപങ്ങളും അവകാശങ്ങളും ഉന്നയിച്ച് അപ്പീൽ സമർപ്പിക്കാവുന്നതാണ്. ആദ്യ ഘട്ടത്തിൽ ഇലക്ട്രൽ രെജിസ്ട്രേഷൻ ഓഫീസർക്കും അദ്ദേഹത്തിൻറെ തീരുമാനത്തിനെതിരെ ജില്ലാ തെരഞ്ഞെടുപ്പ് ഓഫീസർക്കും തുടർന്ന് മുഖ്യ തെരഞ്ഞെടുപ്പ് ഓഫീസർക്കുമായി അപ്പീൽ സമർപ്പിക്കാം. എസ് ഐ ആർ സംബന്ധമായ എന്ത് സംശയങ്ങൾക്കും ടോൾ ഫ്രീ വോട്ടർ ഹെല്പ് ലൈൻ നമ്പറായ 1950 ലേക്ക് 24 മണിക്കൂറും വിളിക്കാവുന്നതാണ് . കൂടുതൽ വിവരങ്ങൾക്കായി പൊതുജനങ്ങൾക്ക് മുഖ്യ തെരഞ്ഞെടുപ്പ് ഓഫീസറുടെ വെബ്സൈറ്റ് ( https://ceo.kerala.gov.in ) സന്ദർശിക്കുകയും ചെയ്യാം.